Akademie

Laerskool Saamtrek roem op ‘n uitsonderlike hoë akademiese standaard. Die suksesse wat behaal is oor vele jare is sigbaar in ons oud-leelinge wanneer hulle die Laerskool verlaat.

Ons lewer ‘n stewige platform vir al ons leerlinge waarop ‘n sterk fondasie vir hul toekoms gebou word. Die venster van geleentheid is baie klein en wanneer die leerling laerskool verlaat is dit te laat om nog boustene in plek te probeer plaas as fondasie vir akademiese sukses.

Elke ingeskrewe leerling by Laerskool Saamtrek sal dus voordeel trek uit hierdie onwrikbare doelwit. Omdat elke leerling van die skool vir ons uiters belangrik is, fokus ons deurgaans op die optimale ontwikkeling van elke leerlinge se eie en unieke potensiaal, vaardighede en talente. Hier is dus plek vir ieder en elk by Laerskool Saamtrek.

Ons Verseker

Ons aan die vereistes van die staat se voorgeskrewe kurrikulum – CAPS voldoen.
Om te voldoen aan die vereistes is Afrikaans as huistaal, die medium van onderrig en opvoeding van ons leerlinge.
Moedertaal is van kardinale belang in die onderrig en opvoeding van kinders. Dit beteken dat EEN taal die hoof onderrigmedium sal wees.
Ons is toegewyd aan Engels as tweede addisionele taal vir Graad R – 7. Hierdie taal word ook aangebied op ‘n baie hoë standaard en verseker ons dat ons leerlinge Engels magtig is in ekspressiewe lees, praat en skryf vaardighede. Leerlinge word ook nie geëksamineer in Engels as eerste addisionele taal nie.
Ons is ook verbind tot Tswana as tweede addisionele taal vir ons leerlinge en die taal word met groot sukses aangebied en onderrig in ons skool. Leerlinge leer egter net ekspressiewe lees en praat vaardighede aan in hierdie tweede addisionele taal. Leerlinge word nie geëksamineer in Tswana as tweede addisionele taal nie.

Onderskeidende Faktore

Ons prioritiseer die ontwikkeling van leerlinge se leesvermoë en leesbegrip. Lees is leer en leer is presteer. Ons is kontraktueel verbind met die Universiteit van Noordwes, Care to Kids en Lapa uitgewers in die ontwikkeling van ‘n unieke leesprogram. Die program is die eerste van sy soort in Suid Afrika.
Ons promoveer en onderrig leerlinge in programmering. algoritmes en kodering met die doel om op ‘n hoë vlak funksionele rekenaarprogramme te skryf en te ontwikkel vir die toekoms. In samewerking met ‘n oud-lektor van die Universiteit van Noordwes word Scratch as beginnerstaal gebruik en python vir die meer gevorderde leerlinge. Ons onderrig met ‘n visie vir die toekoms.
Wiskunde is ons passie. Ons verskaf leerlinge ‘n geleentheid om wiskunde op ‘n konkrete manier te leer en te verstaan. Saam met SA Maths wat gebaseer is op die Singapore wiskundige beginsel is wiskunde nou makliker verstaan- en toepasbaar. Singapore beklee die eerste posisie op die internasionale TIMSS ranglys.
Onderrig, sport en kultuur is ons passie. Alle leerlinge het die geleentheid om optimaal te ontwikkel en te presteer. Ons vermag dit maklik deur die mees ervare en beste gekwalifiseerde onderwysers, afrigters en mentors aan te stel. Alle aktiwiteite word met ‘n hoë vlak van professionalisme. Kwaliteit onderrig, afrigting en mentorskap is ons waarborg vir kwaliteit geleenthede in die toekoms.

Ons langtermyndoelwit by Laerskool Saamtrek is om te fokus op drie kardinale toekomsgerigte aspekte in die onderrig en voorbereiding van ons leerlinge:

Opvoeding

Sport

Kultuur

Praktiese stappe wat geïmplementeer word om akademie doeltreffend aan te bied in die klaskamer is die volgende:

Kleiner getalle alleen is egter nie ’n waarborg nie, daarom:

Moet elke onderwyser en personeellid die dryfkrag en fokus openbaar om ELKE kind te bereik en hul instaat stel om te vorder en te ontwikkel.
Tegnologie is belangrik maar gaan beslis hand aan hand met ’n GOEIE ervare en voorbereide onderwyser in die klaskamer.
Dit is die skool en onderwysers se plig om te onderrig, ekstra klasse aan te bied en alles moontlik te doen om akademiese sukses te behaal. Die ouers moet ook betrek word in die onderrig en opvoeding van die kind.
Laerskool Saamtrek is nie bloot ’n huiswerksentrum nie. Ons onderrig ons leerlinge om self die dag se werk te voltooi as deel van die onderrigproses. Daarom is dit verkieslik dat ons leerlinge hul werk by die skool te voltooi. Genoegsame tyd word gegun om die aktiwiteite te voltooi, by uitsondering gaan werk wel huistoe.

Bo en behalwe die vereiste lees, skryf, kommunikasie en basiese wiskundige vaardighede, word die volgende ook formeel en informeel onderrig by die skool:

Kritiese denke
Probleemoplossingsvaardighede
Samewerking
Interaksie
Leierskap (Ja, almal het die vaardigheid - nie net ’n uitgesoekte groep nie)
Leierskap deur kennis en invloed
Aanpasbaarheid – akademies sowel as emosioneel
Inisiatief
Entrepreneur-ingesteldheid
Druk hanteer

Effektiewe kommunikasie (Verbaal en nie-verbaal)
Verkryging en analisering van informasie
Gevolgtrekkings en sintese
Beplanning
Scenario beplanning
Leergierigheid
Verbeelding en kreatiewe denke
Memorisering (Dit is net een vaardigheid en nie die fokus nie!)
Hanteer toenemende volume werk
Eksamen skryf

Interpersoonlike werking (Ken ander)
Intrapersoonlike kennis (Ken self)
Motoriese vaardighede
Ruimtelike orientasie (Ken jou eie liggaam)
Hanteer teleurstellings
Hanteer oorwinnings
Deursettingsvermoë
Uitstel van gratifikasie (Wag vir iets)
Die besef dat sukses werk vereis
Perspektief
Beplanning
Meelewendheid